Միջոցառում
Հնարավորության դեպքում հրավիրեք տատիկներին և պապիկներին կամ այլ մոտ բարեկամների՝ միանալու ձեզ այս երեկո: Ընտրեք մեկ կամ երկու նախնի նրանց պատվելու համար: Ուշադրություն դարձրեք նրանց հագուստի ոճին և քննարկեք, թե նրանց առօրյա կյանքը ինչպես կարող էր տարբերվել ձեր կյանքից: Ցույց տվեք ընտանեկան նմանություններ, որոնք դուք կարող եք տեսնել նկարներում:
Թող ընտանիքի յուրաքանչյուր անդամ կարդա կամ պատմի պատմություններ նախնիներից որևէ մեկի մասին: Օգնեք ընտանիքի բոլոր անդամներին տեսնել ձեր նախնիներին որպես իրական մարդիկ, ովքեր իրականում ապրել են և ունեցել են զգացմունքներ ու փորձառություններ, ինչպես իրենք: Փորձեք օգնել ձեր ընտանիքին նրանց ավելի մոտ զգալ և հասկանալ, որ նրանք ընտանիքի կարևոր մասն են: Նշեք ֆիզիկական հատկություններ, տաղանդներ կամ այլ լավ առանձնահատկություններ, որոնք դուք ժառանգել եք նախնիներից (օրինակ՝ շիկակարմիր մազեր պապիկից կամ երաժշտական տաղանդ տատիկից):
Վերցրեք մի քանի թուղթ և յուրաքանչյուրի վրա գրեք մի քանի նախնիների անուններ: Դրեք դրանք մի արկղի մեջ և ընտանիքի յուրաքանչյուր անդամ թող վերցնի մեկ հատ: Եկող ամսվա ընթացքում յուրաքանչյուրը թող փորձի տվյալներ հավաքել տվյալ նախնիի մասին, օրինակ՝ նկարներ, զրուցի բարեկամների հետ, ովքեր որևէ բան գիտեն այդ մարդու մասին և այլն:
Մի հատուկ երեկո տրամադրեք, որտեղ ընտանիքի յուրաքանչյուր անդամ կարող է ցուցադրել իր հայտնաբերածը: Պլանավորեք այցելել որոշ նախնիների տները, ծննդավայրերը կամ գերեզմանները: Եթե դա հնարավոր չէ անել, դուք կարող եք փորձել գտնել նկարներ կամ տեղեկություններ այդ վայրերի մասին:
Ահա մի խաղ, որը կօգնի ձեզ ավելին իմանալ ձեր ընտանիքի և նրանց պատմությունների մասին:
Նախապատրաստություններ
1. Մտածեք չորս տեսակի պատմություն, օրինակ՝ զվարճալի, մանկական, հոգևոր կամ հանգստի: Գրեք յուրաքանչյուր տեսակը մի թղթի վրա և փակցրեք այն պատին:
2. Գտեք չորս ընտանեկան պատմություն յուրաքանչյուր տեսակի վերաբերյալ: Խնդրեք օգնություն ձեր ընտանիքից:
3. Յուրաքանչյուր պատմությունը գուշակելու համար մտածեք որևէ հուշում և գրեք դրանք մի քանի թղթերի վրա:
4. Գրեք 100, 200, 300 կամ 400 միավոր պատմությունների թղթի մյուս էջում: Փակցրեք հուշումները տեսակների ներքևի մասում:
Ինչպես խաղալ
1. Խաղացողներին բաժանեք երկու թիմի: Այն մարդը, ով գրել է հուշումը, ղեկավարն է:
2. Առաջին թիմը ընտրում է տեսակը և թիվը, օրինակ՝ «Զվարճալի, 200 միավոր»:
3. Ղեկավարը վերցնում է թիվը և կարդում է հուշումը: Եթե թիմը կարող է պատմել պատմությունը, որը համընկնում է հուշման հետ, ապա նրանք ստանում են միավորները:
4. Եթե նրանք չեն կարողանում պատմել պատմությունը, ղեկավարը պատմում է այդ պատմությունը, բայց չի ասում մանրամասները, օրինակ, թե որտեղ է այն կատարվել կամ ում մասին է: Եթե թիմը կարող է գուշակել մանրամասները, ապա նրանք կստանան միավորների կեսը:
5. Հաջորդ թիմը ընտրում է հուշումը և խաղում է: Երբ բոլոր հուշումները վերջանան, այն թիմը, որն ավելի շատ միավոր ունի, հաղթում է:
Հյուրասիրություն. Շոկոլադի պուդինգ
Հաստ հատակով կաթսայի մեջ միասին խառնեք.
6 ճաշի գդալ շաքարավազ
3 ճաշի գդալ օսլա
Մի պտղուց աղ
1 ½ ճաշի գդալ կակաոյի փոշի
2 ½ բաժակ կաթ
1 թեյի գդալ վանիլին
Եփեք միջին կրակի վրա, անընդհատ խառնելով, մինչև խառնուրդը թանձրանա, մոտ 4-5 րոպե: Հեռացրեք կրակից: Ավելացրեք 1 բաժակ մանրած շոկոլադ և 1 ½ ճաշի գդալ կարագ: Խառնեք, մինչև համասեռ դառնա: Լցրեք մի քանի բաժակների մեջ և սառեցրեք 1 ժամ:
